Corpus Van Reenen-Mulder (CRM14): Oorkonde E209p37701

WJ heinric van der goude . diirc kerstants soen . en_ wolfaerd . willems soen Scepene binnen der goude . Orkonden en_ kennen . dat . quam voer . ons . Jacob . baern soen . en_ lyede dat . hi . sculdich Js . diirc oudziers soen . vierthich . scellinghe . holl_s buerzeghelts Jaers . an Renten eweliken . duerende . op siin twee hwsen ende . erven die hi nv ter tiid bewoent op den hoeke van der keyserstraet . En_ beleghen . hebben . mit erve aernd domiins zwagher op die noerdzide . en_ Jacob die snyder op die oestzide . alle Jaer . te betalen . op onser vrouwen . dach te lichtmisse mit ghelde of mit panden alse recht . Js van erfrente_ . In kennessen der w_heit . bezeghelt mit . onzen . zeghelen . Ghegheuen op den sesthienden dach Jn zulle . Jnt Jaer ons . h_en . m + . ccc + . seven ende tseue_tich