Corpus Van Reenen-Mulder (CRM14): Oorkonde E209p37801

WJ Bartout van der goude . Jan claes soen . Ende kerstant . gheyen . soen scepen . binnen der . goude . orkonden . Ende kennen . dat . quam voer ons . Meynse . aelbrechts . dochter . Ende . wan met allen vollen . Recht . In eenre pandinghe vijftien scellinghe holl_s . buerzeghelts tsJaers an Renten . Ewelike durende op symon boenen soens hws . en_ erve dat hi staende . heeft an die oestzide van den cleywech Ende beleghen . hebben . met erven piet_ nannen soen . an die noertzide en_ piet_ ijsbrants soen an die . zwtzide . alle Jaer te + betalen . op . onser vrouwen dach assu_pt_o met ghelde . of met panden . alse Recht Is van Erfrenten . Ende dese voorscr_ Renten rore_ wt ene_ ouden scepen~brief die ghemaect was Int Iaer van vyf en_ tseuentichen op sente pieters dach ad vinc_la also~dat . dese . brief macht hebben zel van den datu_ voorscr_ . In + kennessen der waerheyt bezeghelt met onsen zeghelen . Ghegh_ op onser vrouwen . dach assu_pt_o . Int Jaer . ons he_n m . + ccc . + acht . + Ende . + tseuentich