Corpus Van Reenen-Mulder (CRM14): Oorkonde E209p37902

WJ Gijsbrecht van dobben . dyrc kerstants soen Ende Allaert pieters soen Scepen binnen der goude orkonden en_ kennen dat quam voer ons Claes hughen soen Ende lyede dat hi sculdich Js Jan gheraerts soen drie pond holl_s buerzeghelts tsiaers an Renten Ewelike durende op Siin hws en_ erve daer hi nu ter tijd Jn woent op die oestzide van + der haven Ende beleghen hebben met erven voppe hughe loeyen soen an die zwtside Ende heijnric Jan ouwen soen metter steghe an die noortzide alle Jaer te betalen die Een helfte op Sente Jans dach te midde~zomer Ende die ander helfte op den kersdach met ghelde of met panden alse Recht Is van Erfrenten Ende met desen brieve So Is ghedoot en_ ghestoert enen ouden scepenen~brief van Renten die helt neghen pont holl_s buerzeghelts sprekende op dit voerghenoemde hws en_ erve Ende ghemaect was Jnt Jaer Een en_ tsestichen op den derthiensten dach Jn november also~dat dese brief macht hebben sel van den datum voorsc_ In kennessen der waerh_t bezeghelt met onsen zeghelen gheg_ des zonnendag_ na Sente Symon en_ Juden dach apostelen Int Iaer ons h_en m ccc neghen en_ tseuentich