Corpus Van Reenen-Mulder (CRM14): Oorkonde E209p38001

WJ Ermbout Mathys soen Jan Dijrcx soen ende Willam van freest Scepen binnen der goude orkonden en_ kennen dat quam voer ons badeloghe gherts bots weduwe met haren rechten voecht Ende lyede dat zi . sculdich Js pieter Jelijs soen vijf Scellinghe holl_s b˚erzeghelts tsiaers an Renten Ewelike durende op haer hws en_ erve daer zi . nv ter tijd Jn woent in bergherstrate op die goude Ende beleghen hebben met erven Eelant Jacobs soen an die oestzide Ende lauwe gherts soen an die westzide alle Jaer te betalen op Sente lucyen dach met ghelde of met panden alse Recht Js van Erfrenten Jn + kennessen der waerh_ bezeghelt met onsen zeghelen Gheg_ op den twe en_ twintichten dach Jn meye Jnt Jaer ons he_n m . + ccc + . en_ thachtich