Corpus Van Reenen-Mulder (CRM14): Oorkonde E209p38004

Wj armbout mattiis soen bruyn claes soen en_ kerstant ghyen soen scepen binnen der goude orkonden en_ kennen dat quam voer ons vrederic gheriits soen ende lyede dat hi sculdich is aelwiin ghysen soen een ouden scilt van vrancriic goet van goude en_ van ghewichte tsiaers eweliken durende te betalen alle iaer des zonnendaghes na dertiendendach met ghelde of met panden alse recht is van erfrenten en_ dit heeft hi ? op siin huus en_ erue daer hi nv ter tiit in woent in groenendael en_ beleghen hebben met erue Jan Willams soen op die oestzide en_ heinric dappers soen en_ aliit van der aer op die Westzide en_ daer op al ziin goet ghewonnen en_ onghewonnen soewaer hiit heeft Jn kennessen der waerheit bezeghelt met onsen zeghelen Ghegheuen des zonnendaghes na der dertiendenden dach jnt iaer ons heren dusent drie + hondert ende thachtich