Corpus Van Reenen-Mulder (CRM14): Oorkonde E209p38202

Wj Wiliam allaerts soen Dirc die poerter en dirc florens soen scepene binnen der goude orkonden en kennen dat quam voer ons meselinen dochter met horen rechten voecht en_ lyede dat zi sculdich is ghiisbrecht Jans soen dertich scellinghe holl_s buerseghelts tsiaers an renten eweliken ? op haer huus ende erue dat zi nv ter tiit bewoent in groenedale En_ beleghen hebben met erue Dirc heinrix soen op die oestzide en_ ? ? soen op die Westzide alle jaer te betalen op Sinte Jacobs dach met ghelde of met pande alse recht is van Erfrenten En_ met desen brieue Js ghedoet enen ouden scepenbrief van Jaerlixen renten die ghemaect was des donredaghes na Sinte katrinen dach Jnt iaer van neghen en_ tsestighen also~dat dese brief macht hebben zal van + den datum voers_ Jn kennessen der waerh_ beseg_ met Onsen seghelen Gheg_ des manendaghes na Sinte martiins dach tr_slatio Jnt iaer ons heren dusent ccc twee en_ thachtich