Corpus Van Reenen-Mulder (CRM14): Oorkonde E209p38303

Wj jan dyrcx soen dyrc kerstants soen Ende jacob jans soen Scepen binnen der goude orkonden ende kennen dat quam voer ons willam vredericx soen Ende lyede dat hi sculdich js dyrc paencras soen achte scellinghe holl_s buerzeghelts tsiaers an Renten Eewelike duerende op die oestzide van + den haluen hwse en_ erve dat hi nv ter tijd bewoent jn tevencoep Ende beleghen hebben met erven lysbet kerstants wedue . an die oestzide Ende willam vredericx soen selue metten weder~deel van + den hwse an + die westzide alle jaer te betalen tot voerscotenremarct met ghelde of met panden alse Recht js van Erfrenten Ende met desen brieue So is ghedoot enen ouden scepenen~brief van Een pont holl_s buerseg_ sprekende op dit voerseyde half hws en_ erve an jaerlixen Renten die ghemaect was jnt jaer ons h_en m ccc Ses en_ tsestich op Sente victoers dach also~dat dese brief macht hebbe_ sel van + den datum voers_ jn + kenness_ der waerh_ beseghelt met onsen zeghele Gheg_ op Sente mychiels dach . jnt jaer ons h_en m ccc drie en_ thachtich