Corpus Van Reenen-Mulder (CRM14): Oorkonde E209p38304

WJ Costiin Jelys soen Jan dyrcx soen Ende dyrc kerstants soen Scepene binnen der goude orkonden en_ kennen dat quamen voer ons Lysbet jan die zeelanders wedue Ende Jan en_ Griete ? twee kinderen die zi bi Jan die zeelander hadde met h˚eren voechden Ende lyeden dat zi sculdich ziin ghesamenderhant en_ onghesceyden goeswiin voppen soen derthien scellinghe en_ vier penning_ holl_s b˚erseghelts tsiaers an Renten Eewelike d˚erende op dat hws en_ erve dat zi nu ter tyd bewonen bi + der ouders scwthers doelen ? streckende an pieter jans soens erve Ende beleghen hebben met erven aechte claes an die westzide Ende delyaen hughen an die oestzide alle Jaer te + betalen deen helfte op alre ? heylichen dach Ende die ander helfte op + den meye~dach met ghelde of met panden alse Recht Js van ErfRenten In + kenness_ der waerh_ beseghelt met onsen zeghele_ ghegh_ des saterdaghes na onser vrouwen dach natiuitas Jnt Jaer ons he_n . m + . ccc drie en_ thachtich