Corpus Van Reenen-Mulder (CRM14): Oorkonde E209p38402

WJ mathijs claes soon Enghebrecht gherijts soen Ende helmer gherijts soen Scepene binnen der goude orkonden en_ kennen dat quam voer ons reynoud jans soen Ende lyede dat hi sculdich Js Jan gijsbrechts soen Een . pont . holl_s buerseghelts tsiaers an Renten Ewelike duerende op Siin hws en_ erue dat hi nv ter tijd bewoent Jn die Vogelenzanc Ende beleghen , hebben , mit erven hugheman springhers soen an die noertzide Ende Jan beers soen an die zwtzide alle jaer te betalen op den meyedach mit ghelde of mit panden alse Recht Js van Erfrenten Jn kennessen der waerh_t beseghelt mit onsen seghele Ghegheuen op den twintichsten dach Jn meye Jnt Jaer ons he_n m ccc vier en_ tachtich