Corpus Van Reenen-Mulder (CRM14): Oorkonde E209p38501

Wj jan dijrcx soen Jacob claes soen Ende haghen hermans soen Scepene binnen der goude orkonden en kennen dat quam voer ons claes Jacobs soen En_ lyede dat hi sculdich js jan lyclaes soen Een pont holl_s buerseghelts tsiaers an renten Eewelike duerende op Siin hws en erve dat hi nv ter tiid bewoent Jn die naeyerstrate En_ hebben beleghen mit erven claes die coppedraeyer an die noertsijde Ende gherijd nannen soen an die swtzijde alle jaer te betale_ op Sinte poncyaens dach mit ghelde of mit panden alse recht js van Erfrenten Jn kennessen der Waerh_ beseg_ mit onsen seghele_ Gheg_ op Sinte poncyaens dach Jnt jaer ons he_n m ccc vijf en_ tachtich