Corpus Van Reenen-Mulder (CRM14): Oorkonde E209p38502

Wj Jan dijrcx soen Reynoud heynricx soen Ende haghen hermans soen Scepene binnen der goude orkonden en_ kennen dat quam voer ons lauwe Jacobs soen En_ lyede dat hi sculdich js aernd claes soen van den Run vijfthien scellinghe holl_s buersegelts tsiaers an renten Eewelik d˚erende op drie Roeden Erfs die hi jeghen heyn pieters soen verpacht heeft en_ ghelegen siin jn jacob Waeysers soens steghe en_ hebben beleghen mit erven heyn pieters soen an die oestsijde Ende der stede waterscap mitten raemwech an die Westzijde Ende zwtwaerts aen streckende an coliins Erfnamens hofstede alle jaer te betalen op den meye~dach mit ghelde of mit panden alse recht js van Erfrenten Jn + kennes_ der waerh_ beseg_ mit onsen seghelen Gheg_ des manendaghes na Sinte pieters dach ad~vi_cula Jnt Jaer ons he_n m ccc vijf en_ tachtich