Corpus Van Reenen-Mulder (CRM14): Oorkonde E209p39001

WJ Scoud borghmeysters Scepen Ende raed der Stede van + den goude maken kond Ende kenlic allen luden dat wij vercoft hebben van ons_ stede weghen bi rade ons_ ghemeense vroedscap dijn noten twee en_ twintich scellinghe holl_s buerseghelts an jaerlixen renten sprekende op gherijd die vroeden hvvs en_ erve dat hi nv ter tijd bewoent op + die goude dat aechte haermans plach te wesen tusschen meeus jans soens Ende berghers strate mitter stede waterscap in allen rechte Ende vorwaerden alsse die stede voerscr_ daer op heeft En_ hoer boet of begrepen heeft . Ende belyen ons hier af wel betaelt van + der stede weghen . den lesten penninc mitten Eersten . alle jaer te betalen op alre + heylijghen dach mit ghelde of mit panden alse recht es van + der stede Erfrenten alle dinc sonder arghelist jn + kenness_ der waerh_ So hebben wij Scoud borghmeysters Scepen Ende raed der stede voerscr_ desen brief beseghelt mit ons_ stede seghel Gheg_ op ons_ vrouwen dach te lichtmisse jnt jaer ons h_en m ccc Ende tneghentich