Corpus Van Reenen-Mulder (CRM14): Oorkonde E209p39203

Jc Wouter abben zone make cont en_ kenlic allen luden als dat jc quijt ghescouden hebbe en_ quijt schelde mit desen brieue Jan van der duyn Jans zone : als van mijnre helfte van alsulken lande en_ erue als joncfrau aleijze Jans docht_ van schije mijnen wiue en_ mi aen~quam en_ vercreghen hadden van Jacob dirc phillips zone onsen neve en_ gheleghen is jn + den ambocht van moordrecht Jn + dat wiellant en_ beleghen hebben optie westside gheen Jan oeden jans + zone ten tiende weghe toe en_ voort optie selue side Jan Wijnen sons kinder elcx mit eyghen en_ erue ende optie oestside heeft beleghen Jan van der duyn vorsc_ selue mit zeuen m_ghen lants die hi cofte jeghens willem heijnricx zone die nv ter tijt Jacob jans wijf heeft van welken voirsc_ lande daer of mijne helfte hebbe jc hem quijt ghescouden en_ schelde hem daer of quijte : van mi en_ van alle mijne nacomelinghen En_ gheloue hem dat te waren na den rechte van den lande Jn orkonden der waerheit so hebbe ic desen brief open bezeghelt mit mijnen zeghele ghegheuen Jnt iair ons hee_en m ccc twe ende tneghentich opten Tienden dach Jn meye