Corpus Van Reenen-Mulder (CRM14): Oorkonde E209p39205

WJ Jan gheryds soen florys houteman en_ Willam dapper Scepene binnen der goude orkonden En_ kennen dat quamen voer ons Imme Jans dochter en_ meynse Aernd peneels mit haerre beyder rechte voecht En_ lieden dat zi sculdich ziin ghezamenderhand ende onghesceyden danel diebaert Een pont holl_s b˚erseghelts tsiaers an renten Ewelike ? op haerre beyder hws en_ erve dat zi nu ter tijd staende hebben in danels voers_ steghe Ende hebben beleghen mit Erven steven heynricx soen an die noertzide en_ danel voers_ selue an die zwtzide alle Jaer te + betalen op alre heylighen dach mit ghelde of mit panden alse recht is van Erfrenten Jn + keness_ der waerh_ bezeghelt mit onsen seghelen gheg_ op zinte katherinen avond Jnt Jaer ons he_n m ccc twe en_ neghentich