Corpus Van Reenen-Mulder (CRM14): Oorkonde E209p39206

WJ Jan gheryds soen florys houteman En_ Jorys zwymers Scepene binnen der goude orkonden en_ kennen dat quamen voer ons Jan wynant En_ alyd mathys dochter mit haren rechten voecht En_ lieden dat zi sculdich ziin ghezamend_hand en_ onghesceyden danel de baert thien scellinghe holl_s b˚rseghelts tsiaers an renten Eewelike d˚erende op haerre beyder hws en_ erue dat zi nv ter tyd staende hebben in danels voers_ steghe En_ hebben beleghen mit erven steven willams soen an die zwtzide en_ der stede waterscap an die noertzide alle jaer te betalen op alre heylighen dach mit ghelde of mit panden alse recht is van erfrenten In + kenness_ der waerh_ bezeghelt mit onsen seghelen ghegh_ des sonnendaghes na alre kinder dach Int iaer ons he_n m + . ccc + . twe ende neghentich