Corpus Van Reenen-Mulder (CRM14): Oorkonde E209p39304

Wj Reynoud heynricx soen dijrc beudekiin volqwijns soen en_ dijrc jans soen Scepene binnen der goude orkonden en_ kennen dat quam voer ons andries die beer en_ liede dat hi sculdich es lijsbetten jacob truden soens wedue Seven en_ twintich scellinghe holl_s b˚erseghelts tsiaers an renten Eewelike d˚erende op ziin hws en_ erve dat hi nv ter tijd bewoent in die keysaer~strate En_ hebben beleghen mit Erven Eeveraerd pieters soen an die noertzide En_ willam die snider an die zwtzide alle jaer te betalen deen helfte op den meye~dach En_ dander helfte op alre heylighe_ dach mit ghelde of mit panden alse recht is van Erfrenten Ende dese renten roeren wt seuen ouden Scepenen~brieue van renten die mit desen brieue ghedoot is en_ ghemaect was jnt jaer ons he_n m ccc drie en_ tsestich des donredaghes na zinte pouwels dach conversio also~dat dese brief macht hebben sel van den daten voersc_ jn + kenness_ der waerh_ bezeghelt mit onsen seghelen gheg_ des dinxdaghes na zinte maertijns dach in den winter jnt jaer ons he_n m ccc drie en_ tneghentich