Corpus Van Reenen-Mulder (CRM14): Oorkonde E209p39402

Wij Scoud borghermeysters Scepene Ende Raed Der + stede van der goude Doen Cond allen luden . Dat voer ons quam aernd pic Dijrcx soen En_ lyede dat hi ghegheuen heeft ? om goeds willen ter armer behoef die beziect siin mitter lazeryen dat hws en_ erve mit al sinen toe~behoren dat hi legghende heeft buten des porters poerthws naest Pieters van d_ moeren westw_ts in des_ manieren alse wat beziecte Jnt voerseyde hws gheset worden om_ daer mitter woen te bliuen . die sellen alle die ander beziecte die Jnt gasthws comen En_ die om goeds willen begheren herberghe te Rusten doen na haren vermoghen also verre alser beddinghe siin en_ hwsinghe bi goetdunken den heijlijghegeestmeyst_s Voort waer dat sake datter enighe beziecte also ziec daer + in worden dat zi te bedde bleuen legghen En_ zi niet en hadden te verteeren So soud men hem haer noedtorft doen van des voers_ hwse goede also vorre alset daer waer Oec waer dat sake datter enighe beziecte in quame En_ daer storve_ So wes zi daer in brochte_ dat sel daer + in bliuen ter armer behoef Voort So sullen die~ghene die Jnt hws gheset worden om daer Jn te bliuen mitter woen / alle cleynoud bewaren in waschen in droghen Ende in anderen dinghen daert voerseyde hws af behoeffelic es Ende daer Reden in staet Ende wat cleynoud hem gheleuert wart dat sellen zi wed_ ouerleueren en_ bewijsinghe af doen wtgeset dat arch van oude En_ om~dat Een yghelic mensche sculdich es te vorderen alle saken daer goeds dienst in ghemeerret moghen wesen dat aen~ghesien So hebben wij Scoud / borghermeysters Scepene En_ Raed voers_ / wt vriendeliken verzoec aernd picx voers_ / hem gheloeft en_ ghelouen van ons_ stede weghen / dat wij den heijlijghegh_stmeijsters die nv siin of namaels wesen sellen dit voorseyde hws sullen doen bewaren Ende beuelent hem te bewonen na + der manieren voerscr_ / also vorre als thws~goede streckt wtghenomen dat aernd pic voerscr_ bi des heijlyg_~gheestmeijst__s Rade . dit voers_ hws bewonen sel also langhe als hi leuet / Ende teynden siinre doot / So selt comen te + bewaren an die heylyghe~geestmeyst_s in allen manieren alse voers_ is ter armer behoef alle dinc sonder arghelist . Jn + kenness_ der waerheyt So hebben wij . Scoud borghermeysters Scepene En_ Raed voers_ desen brief beseghelt mit ons_ stede seghel Ghegh_ des woensdaghes na Sinte lucyen dach Jnt Jaer ons h_en . M + . ccc + . vier Ende tneghentich