Corpus Van Reenen-Mulder (CRM14): Oorkonde E209p39701

Wj Dyrc Roelofs soen Jan Coenen soen En_ gheryd splinter pieters soen Scepene binnen der goude orkonden en_ kennen dat quam voer ons claes jacobs soen En_ liede dat hi sculdich is gheryd willams soen twe Ende vijftich scellinghe holl_s b˚erseghelts tsiaers an Renten Eewelike d˚erende op ziin hws en_ erve ende op Erve dat hi legghende heeft naest den hws en_ erve voers_ westw_ts streckende van mouweriin hughen soens drop van sinen eenen hws en_ Erve tot den dwers~sloet toe En_ gheleghen is in tevencoep En_ beleghen hebben mit Erven jan florens soen an die oestzyde en_ mouwerijn hwghen soen an die westzijde . Alle jaer te betalen op den meye~dach mit ghelde of mit panden alse recht is van Erfrenten . jn + kenness_ der waerh_ bezeghelt mit onsen seghelen gheg_ des vrydaghes na zinte aechten dach jnt jaer ons h_en m ccc seven en_ neghentich