Corpus Van Reenen-Mulder (CRM14): Oorkonde E217p38301

@ @ Alle den ghenen die desen bryef zellen zien of horen lesen Doe wy verstaen Johan dyrcs zoen scoute Euert jans zoen Dyrc die blote en_ heynric elpiin scepen @ binnen Montfoerde dat voer ons quam jnt + gherechte jan wiinkelaer en_ belyede hem sculdich te wesen in rechten erfpachte herman otten zoen twe oude scilde tsiaers @ wt zinen huse en_ hofstede daer hi nv in woent So dat gheleghen is binnen montfoerde aen die hoghe + strate aen die zide ter ysel + wert daer aen den oeue_n egghe naeste @ ghelant is mit huse en_ mit erve Jonghe heynric die riddert en_ aen den nede_n egghe herman otten zoen voers_ Die voerghenoemde oude scilde goet van goude zwaer van @ ghewichte recht_ mvnte des coeniincs van vrancrike of paeymeynt dat daer voer goet is binnen montfoerde in elker tiit der betalinghe Te betalen Jaerlics die een helfte @ van den voerghenoemden gelde op sinte mertijns dach in den wiint_ en_ die ander helfte op sinte peters dach ad cathedram daer na jaerlics yerste comende of binnen viertyen @ daghen na elken termine voers_ onbegrepen Waert dat men des nyet en dede te panden den derden penniinc meer aen dien voerghenoemden huse en_ hofstede volboden pande @ te scatten en_ te eyghenen of si mit allen rechte vervolcht en_ verwonnen waren na der poerten recht behoudelike den here zinen thyns en_ elkerlijc ziins voer~rechts @ En_ alle dinc zonder erch Jn kennisse der waerheyt So hebben wy scoute en_ scepen voerghenoemt desen bryef bezeghelt mit onsen zeghelen Ghegheuen Jnt jaer ons he_en @ dusent drye + hondert drye ende tachtich des yersten donredaghes na sinte Odvlfs dach ~