Corpus Van Reenen-Mulder (CRM14): Oorkonde E223p39901

@ @ Alle den ghenen die desen brief zellen zien of horen lesen Doe ic verstaen wyer de witte johans zoen @ Scoute tot jutfaes in Dyrx gherechte van jutfaes Dat voer mi en_ voer die lantghenoten en_ @ buere die hier na bescreuen staen / ghecomen ziin jnt gherechte willam hollekiins soen / gherijt van @ der steghe / Euert henric aleyt en_ gherborch / des seluen willam hollekiins kiindere en_ henric @ hollekiins soen des voerseyden willams broeder / En_ verteghen aldaer / alse recht en_ oerdele wijsde @ dat zi sculdich waren te + doen / tot behoef godeuaert scouten en_ ghisebrecht Euerts soens / Jn recht_ @ sciftinghe en_ sceydinghe . van allen goede / des si malc mit anderen in meenboedel gheseten hebben tot @ desen daghe toe / van dode hoers vaders en_ hore moeder / hier waren ouer en_ aen daer dit ghesciede @ wouter van + den Riin . lubbert ghisebrechts soen / godeuaert van + der horne en_ johan de coster lantghenoten en_ buere in + den gherechte voerscreuen en_ anders veel goeder lude / En_ op~dat dit vast @ en_ stade bliue so hebben wi wyer de witte johans soen Scoute wouter van + den Riin en_ lubbrecht @ ghisebrechts soen voerscreuen onse zeghelle aen desen brief ghedaen tot enen orconde van des gherechts @ weghen / en_ ouer godeuaert van + der horne en_ johan de coster voerseyt / om hore bede wille / En_ @ want wi godeuaert en_ johan voerscreuen zelue ghene zeghelle en hebben op dese tijt so orconden wi @ en_ tughen dit onder dese vorghenoemde zeghelle / en_ hebben hem ghebeden dit mede ouer ons te beseghellen / want wi hier mede ouer en_ aen waren daer dit ghesciede alse voerscreuen is / ghegheuen @ jnt jaer ons he_n dusent dre + hond_t neghen en_ tneghentich Des woensdaghes na + den heylighen paesdach