Corpus Van Reenen-Mulder (CRM14): Oorkonde E230p37101

@ @ Alle den ghenen die desen brief zellen zien of horen lesen doe ic verstaen herman korstiaens zone rechter @ tot odic van zweders weghen van vyanen dat voor mi voor de lantghenoten ende voor de bure de hiir beneden @ bescreuen staen ghecomen ziin jnt gherechte ghisebrecht de backer gheriid weddeloeps zone gheriid ziin zone lysebet @ de aernd hughen zoons wiif was braem van + den zande iacob coman mit alyde zinen wiue aernd hughen zoons @ dochter Ende gaven op mit horen vryen wille alse ghisebrecht de backer ende gheriid ziin zone gaven op elc @ mit ziins zelfs hant lysebet de aernd hughen zoons wiif was gaf op mit hoors ghecorens mombaren hant braem @ van + den zande gaf mit siins zelfs hant voor hem ende voor gherborghe zinen wiue aernd hughen zoons dochter @ daer hi wittelike boerte bi heeft op dese tiid ende aliid gaf op mit iacob comans hoors mans ende hoors witteliken @ mombaers hant alse recht ende oordeel wiisde alse zi sculdich waren te + doene endet mitten rechte stadicheyt hebben @ zel herman droem tot sinen vryen eyghen de helft van twalof morghen lants daer de wederhelft van + den zeluen @ twalof morghen of toebehoert hogheborch onderdeel egghen ende eynden mit al horen toebehoren alse gheleghen @ ziin in odicker ghoor an tween Campen tusschen der heren lande van zinte marien an de ouer~zide ente heren van + den duiitschen + huiis an de neder~zide Ende verteghen mede daer of ende claerlike van al rechts ende toesegghens dat zi daer aen hadden tot herman droems behoef voorseyt alse recht ende oordeel wiisde alse zi sculdich waren te + doene endet mitten rechte stadicheyt hebben zel hiir waren ouer ende ane daer dit ghesciede @ ghisebrecht willams zone ghisebrecht van scadewiic gheriid van ghenderen landghenoten ende bure in den @ gherechte voorseyt ende anders vele goeder lude Ende op~dat dit vast ende stade bliue so hebbe ic herman @ korstiaens sone rechter voorscreuen minen seghel an desen brief ghedaen van + des gherechts weghen ende @ om bede wille der landghenoten enter bure voorseyt tenen oorconde Ende wi landghenoten ende bure voorghenoomt kennen ende tughen dit onder des rechters seghel voorghenoomt ende hebben hem mede ghebeden @ desen brief mede ouer ons te + beseghelen mit sinen zeghel van + des gherechts weghen tenen oorconde want wi @ hiir mede ouer ende ane waren daer dit ghesciede alst hiir voor bescreuen staet ghegheuen jnt jaer ons @ heren dusent dre + hondert een ende tseventich des donredaghes na onser vrouwen dach te + lichtemisse