Corpus Van Reenen-Mulder (CRM14): Oorkonde E517p37001

Ic aernt van tetrode Scout van scoirl en_ van petten make Cond allen den~ghenen die desen brief zullen zien of horen lesen . dat voir mi quamen heemraders van groede van harghen en_ van petten . En_ wilcoerden die waterscuttinghe die gheleghen is tusschen scoirl en_ groede metten~ghenen die dair al vast an ghelant ziin die voirscreuen waterscuttinghe te houden en_ te maken om dat gras datter op wassen . + mach Jn aldusdanigher manieren . wair dat zake dat die heemraders ghebrec vanden an die voirsr_ waterscuttinghe . So mochten si metten scout die nv is of wesen sel panden ene boete van viif scellinghe_ an die~ghene daer die heemraders ghebrec an vinden Jn kennesse der waerheit heb ic desen brief bezeghelt met minen zeghel Jnt Jaer ons heren dusent drie + hondert en_ tseuentich