Corpus Van Reenen-Mulder (CRM14): Oorkonde E543r31702

Ic willam pape van svaech make cond allen luden / Dat ic ghegheuen hebbe dien couente tot egmu_de jn rechter aelmossen met mijns ? hand Ende mijnre Erfnamen daer teghenwordigh waren Eersomeghe lude alse haer Gherid van Oye haer ysebrant van petten / Ende haer willam van + der beke preesters / Ende aelbrecht florens zone knape / daer haer screuel prioer van Egmunde ontfenc dien vrien Eyghendoem van al + dien Erue die ic hier nae benome_ sel jn + den Eersten Dat erue dat ic coft ieghens haren florens p_soenre van lymben ende wouter zinen broder streckende van dien pade dat vore mijn huus gaet vut an die mere / vutghenomen mine husinghe / Ende mine heymeghewerft also verre alst bedoluen es of beglint op dese wile Voerd dat Erue dat vore mijn huus leghet anghaende van dien voerzeiden pade die vore mijn huus gaet also breid alse dat ander voorzeide land opgaende an willams weents bloc dat ic wandelde jeghens pauwels van zuden voerd dat Erve daer hille Clais ydincs dochter op woent dat ic coft ieghens die beginne van haerlem voert drie mat made legghende ouer die mere te~samen / die ic cofte dat ene jeghens dat Goedhuus van + der ? dat ander ieghens didde pinghen / En_ dat derde ieghens didde Danser voerd enen haluen agker ? bi willams ? huse op die noertside die ic cofte ieghens ysebrande lantier / . drie stucke lands die legghen jeghens die kercke ouer den Egmunder wegh die ic coft ieghens dat Goedshuus van + der wijc voerd een stucke lands dat ic wandelde jeghens voppen stijfkijnder van + der kerke voerd tve Gheerse legghende buten dike die heten dat virendeel van floyershem / jn diere maniere Dat ic willam voerzeid pape van svaech besitter bliven sel van desen vorezeiden Erue tot mijnre doet toe / Ende na mijnre doet so sellent besitten mine tve sonen willam ende symon die ic ghewonnen hebbe bi fien amelijs dochter Ende Euerocker mijn ouste broeder en_ miin mo_baer ist dat hi leeft na mijnre doet die sel bedriuer wesen van desen Goede voorzeid / Ende mo_baer der kijnder in diere manire Dat die kijnder / Ende hare mo_baer vutreken sellen jaerlikes tien scellinghe Ghelts dien couente van Egmonde te petansi op dien rechten dagh mijns jareghetijds So sel dat couent voerzeid mijn jareghetide doen alse si sculdigh sijn te done ghelike haren andren brodren Dit sellen die kijnder doen also langhe alse haerre een leeft bi haren mo_baer Ende na dire kijnder doet voerzeide so sel dat land ghehelike comen op dat couent van Egmu_de horen ? wille mede te done / Ende si sellen mi willam pape van svaech voerzeid voldoen jn broderscap in jareghetiden in allen zaken Alse si mi beloeft ? ewelike sonder ghebrect / . + Ende op~dat dit stade Ende vast bliue / so heb ic willams pape van svaech voerzeid dese letter bezeghelt met minen ? ? den jare ons he_n Derthien + honderd ende seuenthiene des naisten daghes na onser daghe verholen