Corpus Van Reenen-Mulder (CRM14): Oorkonde E544r39701

Ic symon ymme Scout in heyloe en_ oesdaem doe kont allen luden dat voer mi quamen willaem dircx zoen en_ willaem aelwaerts zoen mit zamender hant en_ ghelieden dat si vercoft hadden den co_uent van egmond eenen camp ouer dye toesdaem van drien gheersen en_ viertien roeden tghers om neghentien _ tien s_ comans ghelts die belent hebben eerst an die zuytzide willaem aelwaerts zoon voirs_ an die noertzide oburghelaen en_ des papen + ghers an die westzide claes wallen kinder en_ an die oestzide an claesz_ en_ van desen voirs_ gheersen bekenden ? willaem en_ willaem voirs_ wel ende wittelic bitaelt den lesten pe_ninc metten eersten en_ gheloueden den conuent voirs_ dat voirs_ lant te waren als men een eyghen erue is sculdich te waren . In kennesse der waerheyt heb ic desen brief bezeghelt mit minen zeghel ghegheuen Jn + t Jaer ons heren dusent + . drie + hondert en_ zeuen en_ tneghentich des vierden daghes na sinte bauen dach