Corpus Van Reenen-Mulder (CRM14): Oorkonde E544r39801

Allen den~ghenen die desen brief sullen sien of horen lesen make ic pieter symonszoen scout in heyloe kont ende kenlic dat pieter van baern voer mi ende voer die buere quam ende gheliede dat hi vercoft hadde opghegheuen ende quijt scouden heren vrederic naghel monic ende coster des cloesters van egmond twe gheerze in reynwaerdinghe~ven een sestendeel ghers min ghelegen binnen den ban van heyloe totter costerien behoef des cloesters voirs_ van welken lande pieter voers_ beliede hem wel bitaelt te wesen . ende beloefde daer of goede waernesse te doen Jn oerconde der waerheyt soe heb ic desen brief bizeghelt mit minen zeghel Ghegheuen jn + t jaer ons heren dusent drie + hondert acht ende tneghentich des dinghesdaghes na onser vrouwen dach annunciacio