Corpus Van Reenen-Mulder (CRM14): Oorkonde E545r34001

Wi . heynric v_baue_ Sone En_ reyner ootghers sone . Scepene i_ alcm_ Orconden mit desen brieue bisegh_ mit onsen seghele_ / dat haer reyner alaerds sone / haer deric simons sone . capelane i_ die kerke talcm_ / en_ voppe derics sone poort_ t_ seluer stede / testame_toors hare_ willaems one_ die prochipape was toutdorp / daer god die siele of hebbe_ moet . quame_ voor ons En_ gheliede_ / dat alle brieue die haer willaem voorseyt heeft ghehadt jof si van sine_ weghe_ / iof sine kinder noch hebbe_ mochte_ srekende @ op den abt van egmonde en_ opt miene co_uent va_ der seluer stede / doot sulle_ wesen en_ crafteloos / vit~ghenome_ iene_ brief / dien wi saghe_ en_ hoorde_ lesen / sprekende op + die_ abt van egmonde die nu is en_ opt co_uent va_ der seluer stede van vier ponde_ holl_ die ian hare_ willaems sone / ghecoft heeft tieghe_ den abt en_ tco_uent voorghenoemt / iaerlics op te bore_ tot alreheyligher misse vit dies conuentse memorie / also langhe als hi leeft / en_ des na siinre doot / baertoud siin broeder voort op~bore_ sal iaerlics / also langhe als hi leeft / viertich scell_ holl_ wilke brief i_ alre maniere_ als hi spreect / vaste en_ stade bliue_ sal / Ghegh_ int iaer ons here_ mccc viertich / des donres~daghes na onser vrouwe_ dach assumptio