Corpus Van Reenen-Mulder (CRM14): Oorkonde E563r39801

Allen den ghenen die desen brief zullen zien of horen lesen . make ic gherijt ians zoen scout in lymme_ condt en_ kenlic dat pieter van baern voer mi ende voer die bure quam ende gheliede dat hi vercoft hadde opghegheuen en_ quijt~ghescouden heren vrederic naghel monic ende coster des cloesters van egmonde twe gheers in smedemer~made binnen den ban van lymmen totter costerien behoef des cloesters voirs_ van welken lande pieter voirs_ beliede him wel betaelt te wesen . ende beloefde daer of goede waernesse te doen Jn oerconde der waerheyt zoe hebbe ic desen brief bezeghelt mit minen zeghel . Ghegheuen Jnt Jaer ons heren dusent drie + hondert acht ende tneghentich des donresdaghes na paeschen