Corpus Van Reenen-Mulder (CRM14): Oorkonde E564r35701

Wy claes die coninc en_ Willaem van ripe en_ hughe claes ebelen zoen scepen in akersloet maken cont allen luden dat voer ons quam rengher heynrics zoen en_ ghelide dat hem betaelt hadde die abt van egmonde in gherieden ghelde van der husinghe en_ van den lande die rengher voerscreven op bestaerf van heynric sinen vader daer god die ziele of hebben moet drie hondert drie en_ tuintich scilde en_ vier vlaemsghe grote in kennissen der waerheyt so hebben wy desen brief open biseghelt met onsen ghemienen lands zeghel van akersloet ghegheven jnt iaer ons heren dusent drie + hondert seven en_ viiftich des sonnendaghes na sinte louriis dach