Corpus Van Reenen-Mulder (CRM14): Oorkonde E564r36901

Wy ghemiene buere van akersloet doen cont allen luden dat wi ouer~een~ghedraghen siin mit die ghemiene bueren van purmerende van allen hoeren landen dat gheleghen is ouer die weer Ende onder die cromnie dat dijc heuet buten an + den purmerdijc In dustanigher manieren dat die van purmerende quijt sullen wesen van + dien dijc op die cromnie ende van watringhe en_ van onghelt dat roeren mocht jn die cromnie of van + dien diic te legghen ofte verlegghen op die van purme_ende daer loef wij hem of tontheffen tot eweliken daghen en_ alinc quijt te houden van + der cromnie En_ om~dat wi willen dat dit vast en_ stade bliue soe hebben wi desen brief open bezeghelt mit onsen properen zeghel Ghegheuen int jaer - ons he_n mccc neghen ende tsestich op sinte andries dach ,