Corpus Van Reenen-Mulder (CRM14): Oorkonde E565r35301

Alle den~ghene_ die desen brief zullen sien of hore_ lesen . doe ic Bertout claes soen scoute va_ uytgheest verstaen . dat diric louwe van uytgheest poerter in de wijc qua_ tot uytgheest en_ droech voir mi op tot ene_ vrien eyghen den abt va_ Egmo_de en_ den ghemene_ conue_te al sulc lant als hier + na ghescreue_ staet dat is die helfte va_ den lande dat ghehete_ is elfacker en_ gheleghe_ is in den ban van uytgheest dat met erue beleghen heeft op die noirtzide gheye hoerne en_ aernt nane op die oestzide It_ die helfte va_ litticke uythorne gheleghen in den ban van Casterkem dat met erue beleghen heeft op die suitzide die graue va_ holla_t met lande dat claes will_s soens was . en_ op die westzide pieter~nelle en_ hoer man met erue dat claes will_s soens was hier over waren Jan moyke claes will_s soen Berwout ? soen Scepene va_ uytgheest diric scakelaer martijn moyen soen en_ claes sijn soen geter marten soen . Gheye ver menen soen en Rombout Roedincs soen en_ anders veel poeder knapen die daar ouer waren . In orconde desen brieue hebbe ic Bertout voirseit desen brief bezeghelt mit minen zeghel Ghegheue_ jnt jaer ons he_n dusent drie + hond_t drie en_ vijftich des ierste_ woensdaghes na paeschen .