Corpus Van Reenen-Mulder (CRM14): Oorkonde E579r36401

Wj ysebrant van scoten ende syman die vischgher Scepene binnen beuerwijc oerconden dat voer ons quam Willaem dirc floriis soens zoen ende liede dat hi ghehuert heeft jeghens claes den vischger meyer miins heers abst op deze tijt een hofstede die gheleghen is binnen der vriheyt van + der wiic ende belent heeft bernt Coster aen die zuytzide ende bloecmakers steghe aen die noertzide streckende van + der haluer straet totter meer . om zestien scillinghe hollansch siaers Comans ghelts te betalen tot allen bamissen welc huere jngaende zel te bamisse naest~Comende duerende tot / neghen jaeren ende tenden den neghen jaren voers_ so sel dit voers_ erue vrilic weder Comen aen goets~huus zonder weder~zegghen jn + oerconde des briefs bezeghelt mit onsen zeghelen Ghegheuen jnt jaer ons he_n dusent drie hondert vier + ende + tsestich op sente bonifaes dach