Corpus Van Reenen-Mulder (CRM14): Oorkonde E579r37901

jan van zaenden ende Willaem gherbrants zoen scepen_ in beuerwijc orconden dat voer ons quam heer florijs van adrikem ende gheliede dat hi ghehuert heeft iegen den goedshuse van egmond dit lant dat hier na ghescreuen staet neghen iaer lanc In den eersten een viertele die bouen is een roede breet en_ benede_ twe roden van ii achtendel zadinghe en_ een vierlinc zadinghe en_ strecket van + den egmonder~wech ant ghers en_ van + den gheerse in die meer ist i coe~g_s It_ een strenc jn willaem valkenburchs landt van . + i . vierlinc gherst~zadinghe en_ gaet niet al an + den melcster~wech It_ twe bloke daer heer florijs laen duyr gaet en_ is . + i . coe~g_s It_ in hoflands ven . + i . coe~g_s It_ in aueken gaerde i verke_s~g__s It_ in dirc rutten uutbroec was . + i . calfs~g_s It_ een half g_s in claes die vischers ven It_ in litic acker . + i . calfs~g_s En_ dit voers_ lant heeft heer florijs voerseit ghehuert iaerlix om drie pont en_ xv s_ . een pont ghereke_t voer enen ouden scilt En_ dese renten sel hi bitaelen alle iaer op sente bauen dach En_ van desen land sel heer florijs voers_ den dijc maken op siins selues cost brecter wael jn of ghien Ende tenden neghe_ iaren So sel dit lant voerseit vri weder comen an + den goedshuse voernoemt In orconde des briefs bizeghelt mit onsen zeghelen Int iaer ons he_n duse_t drie + hondert neghen ende tseue_tich op sente thomas dach