Corpus Van Reenen-Mulder (CRM14): Oorkonde E579r38701

Aelbrecht de Weent ende gherijt dirx sone scepen In beuerwijc Orconden dat voir ons quam mathijs claes sone Ende toende van des abts weghen van egmonde dat die hofstede des abts van egmonde ware daer alyne van valkenburch ende dirc bertelmeus sone nv ter tijt op wonen ouermids ghebrec dat die gasthuysmeesters zegghen dat zi op dese voirsc_ hofstede ghecoft hebben vijf scellinghe comans~ghelts siaers tieghens claes symons sone den cuper Ende hier om hoere boden niet dieden en zullen die si in + die kerke hebben laten doen en_ noch zullen laten doen jn orconde des briefs bezeghelt met onsen zeghelen Int iaer ons he_n dusent drie + hondert zeuen en_ tachtich opten zeuenden dach In marte