Corpus Van Reenen-Mulder (CRM14): Oorkonde E579r38804

Aelbrecht die weent en_ gharbrant pieters zoen scepene jn beu_wiic Orconden dat voer ons quam jan gherits zoen van heyloe en_ gheliede dat hi ghehuyert heft tieghens den abt van Egmonde . die helfte van een stucke lants . dat gheheten is yehem . neghen jaer lanc durende van sente leuien daghe laetst verleden tsiaers om enen haluen ouden vrancriicschen scilt . te bitalen tot allen sente bauen daghen binnen der wiic jn Orconde desen brieue bizeghelt met onsen zeghelen jnt jaer Ons heren dusent drie + hondert acht en_ tachtich op sente lebuiins dach . .