Corpus Van Reenen-Mulder (CRM14): Oorkonde E579r39501

Aelbrecht van Scote_ . Ende costijn claes soen Scepene in beuerwijc Oirconde_ dat voir ons qua_ Symon van scoten . Ende gheliede dat hi ghehuert heeft . Jeghen heren gheriit van Okenberghe . nu~ter~tijt koster des kloosters van Egmonde . Een stucke lands van ander + half achtendeel Rogsadinghe gheheten zwanen~hofstede legghende in + den ambochte van + der wijc . Ende belendt heeft Symon van scoten voirs_ mit tween bloken lands an die noordzide en_ mit ene_ stucke lands an die zuudzide die Symon ghecoft heeft Jeghen meester gheriit den visker . sinen neve Streckende voir van + den pade afterwaerds tot an die petten ende an die delft . Om neghen schellinghe siaers . Ene_ vrancrixen schilt gherekent voir Een pond . Duerende dese huer voirs_ twee Jair lang . Ingaende tot bamisse naest~Comende . Jn Oirconde desen brieue bezeghelt mit onsen zeghelen Jnt Jair Ons he_n dusent drie + hondert vijf ende tneghentich . Des zonnendaghes nae zente pieters dach ad~vincula :