Corpus Van Reenen-Mulder (CRM14): Oorkonde E579r39601

Aelbrecht van + der berchmeer . En_ heynric claes soen Scepene in beu_wijck Oirconde_ dat voir ons qua_ . Symon Jans soen de Cuper . Ende gheliede dat hi ghehuert heeft . Jeghen mathiis claes soen . als een meyer vans abts weghen van Egmonde Ene hofstede die gheleghen is binne_ der vrihede van beu_wijck . . streckende voir van + der haluer strate afterwairds tot an des graue_ heerstrate En_ belendt hebben . aernt de pelser an de zuudzide . En_ Jan claes heyne_ soen . mit + te_ erue dat Jongclaes pieters soen nv ter tijt in huerwair heeft van + den abt voirseit an de noordzide Jngaende dese hure voirscreuen tot bamisse naest~Comende . en_ voort dair na duerende neghen Jair lang . Elkes Jairs om achtien schellinghe Enen goeden Ouden vrancrixen scilt van goude en_ van ghewichte . voir een pond gherekent Jairlix te betale_ . die neghen Jair lang voirs_ . tot allen zente bauen daghen . Jn Oirconde desen brieue bezeghelt mit Onsen zeghelen . Jnt Jair Ons he_n dusent drie + hondert zesse en_ tneghentich . Op sente louwerijs Auondt : + -