Corpus Van Reenen-Mulder (CRM14): Oorkonde E579r39801

Pieter pieters soen . en_ gheriit will_ms soen . Scepene in beu_wijc . Oirconde_ dat wi dair an . en_ ouer ware_ . alse scepene . dair Symon rikouds zoen . huerde ieghe_ mathiis claes soen van + der costeryen weghe_ van Egmonde . Ene hofstede ghelege_ bynnen beu_wijc . streckende voir van tsconinx wech . aft_waerds tot an + den zeewech . En_ belendt hebbe_ dabt selue mitten erue dat will_m garbrands soen bewoent an de zuudzide . en_ he_ Jan lemke_ soen . mitter costeryen erue an de noordzide . Om viertien scellinge vrijs ghelts tsiaers . Ene_ oude_ vrancrixen scilt voir een pond ghereke_t . en_ alle payme_t dair na te rekenen bi schellingen en_ bi pen_inghen . Jairlix te betalen in de wijc op zente baue_ dach . En_ dese huer sel dueren neghen iaer lang . En_ sel wtgaen tot heiligermisse die come_ sel in + den iare Ons he_n dusent vier + hond_t en_ zesse En_ dan so sel dese voirseide hofstede vri weder comen an + den abt voirsc_ . toter kosteryen behoef voirseit . Jn oirconde desen brieue bezeghelt mit / Onsen zeghelen Jnt Jair Ons he_n dusent drie + hondert achte en_ tneghentich / . des donredaghes na onser vrouwe_ dach an_unciacio : + -