Corpus Van Reenen-Mulder (CRM14): Oorkonde E579r39802

Pieter Piet_s soen . En_ gheriit will_ms soen . Scepene in beu_wijc . Oircond_ dat wi dair an en_ ouer ware_ alse scepene . dair zwidic claes van nws wedue huerde ieghe_ he_n Janne van wel . monic en_ Re_tmeest__ des abts van Egmonde . Ene hofstede gheleghe_ binne_ beu_wijc . streckende voir van + des koninx wech aft_~waerds tot an ludolf oedwijns soen . En_ belendt hebbe_ mit des abts erue Claes de cuper an de zuudzide . en_ mumetgen an de noordzide . Om vijf schellinge vrijs ghelts siaers . Ene_ oude_ vrancrixen scilt voir een pond ghereke_t . en_ alle payme_t dair na te rekene_ bi scellinghe_ en_ bi pen_inge_ . Jairlix te betale_ in de wijc op sente bauen dach . En_ dese huer sel duere_ neghe_ iaer lang En_ sel wtgaen tot heiligermisse die come_ sel in + de_ iare Ons he_n dusent vier + hondert en_ zesse . En_ dan so sel dese voirseide hofstede vri weder come_ an + den abt voirsc_ . In Oirconde desen brieue bezeghelt mit onsen zeghelen Jnt Jair Ons he_n dusent drie + hond_t achte tneghentich des donredaghes na Onser Vrouwe_ dach . annu_ciacio : + -