Corpus Van Reenen-Mulder (CRM14): Oorkonde E597p33101

Wi Ghysebrecht ians sone Ende Dirch van dier sperne Scepene in haerlem / maken Cunt allen luden / Dat wi daer ouer waren / Dat ghiertruid Aelbrecht Wouters sones wijf ende alle haere kindere die si bi Aelbrechte vorscreuen hadde / vutghenomen Willaems wijf van scorle / quite ende vri coften omme ene Summe van ghelde die si betaeld hebben . van dienste ende van sulken gherechte als si dien godshuse van egmonde in verbonden waren / ten ware sake dat si hem namaels verdieden / jn dien seluen rechte / jn orcunde deser lettere beseghelt met onsen Seghelen int iaer ons hieren dertien honderd ene ende dertich iare / des manen~daghes na meyen~daghe .