Corpus Van Reenen-Mulder (CRM14): Oorkonde E597r33102

Wi willaem van tethrode / Dieric van der sp_ne / En_ dieric van den zanden / scepene te haerlem / Maken cont Ende orkonden allen lieden / dat voer ons quam her gherijt scoelmeist_ @ te haerlem / en_ seide en_ v_liede voer ons met goeden wille dat hi alsulcdanich goet en_ erue en_ renten / als hi ouer menich jaer der abdissen en_ den mienen couente des cloesters ter lee vp~ghedreghen hadde en_ ghegheue_ heuet met sines mu_baers hant alse recht is en_ woente in allen ambachte daer si gheleghen sin / en_ si oec beseten hebben jaer en_ dach / En_ noch op~ghedreghen heuet en_ gheoffert ter lie in dien choer tote dien outare in gods hant en_ der abdissen / en_ in des menes couents hant / En_ scout hem quite en_ vri / Of daer vormaels iet an brake / of te lettel daer toe ghedaen ware / dat diis hier mede ve_vollet en_ die vaster ware voer vele goeder liede / beide man en_ wijf diet hoerden en_ saghen / alse vier + en + twintich morghen lants ligghende op dat wout in aernouts ambocht hodenpijl En_ jacob dierix zone te erfhurewaer heuet / En_ vijf morghen lants en_ twe hont / legghende in maese~lant~ambacht / dat hi cofte ieghen jacob hondertpont / en_ siner moeder / en_ claise sinen broeder / En_ hi jacob noch heuet in hureware / En_ vierde + half morghen lants of lettel + meer / die legghen in santambacht / En_ clais clienebien in hureware hadde hier~vormaels / Ende drie morghen lants ghecofte ieghen jan honen o_me vijftich pont ligghende daer bi daer willaem he_mans plach toe wonen / En_ hi jan hone vorseit noch die wederghade heuet also groet / In orkonde deser lettren beseghelt met onsen se~ghele jnt jaer ons heren m + . ccc + . Ende enen dertich / In sinte Jeronimus dach /