Corpus Van Reenen-Mulder (CRM14): Oorkonde E597r34201

Wj clays van adikendamme En_ Willaem van scoten Scepene in haerlem Oerco_den dat voer ons quam haer jan martiins zoe_ priester En_ op~gaf toit ene_ vrien eyghe_ om oerbaer en_ om zalicheyt sire zielen / en_ sire ouderziele En_ in rechten testame_te jn die ere goeds en_ des goeden sinte Aelbrechts zonder weder~roepen van hem jof van yemande te hebbene na sire doit den goedshuse toit Egmonde sine husinghe metten erue legghende ende staende twischen der joncfrouwen van haerlem en_ gheerlof den messemaker vutgaende an sint~janstrate twischen gheerlof voers_ an die ene zide / en_ Aelbrecht gheriids zoe_ en_ Willaem Arends zoe_ an dander zide met alsulker hure als daer op staet jn Oerco_de de~sen brieue bizeghelt met onsen zeghelen jnt jaer ons he_n . m ccc twie en_ viertich des donresdaghes na piinxster~dach