Corpus Van Reenen-Mulder (CRM14): Oorkonde E597r34701

Wij jan van der scure En_ dirc lotiin jans zoe_ Scepene in haerle_ Oerconde_ dat voer ons quam jan coliin miene_ zoens zoe_ En_ v_liede dat ver aliid van der spaerne nonne totter lee heft tien scellin_ghe siaers op siin huus - en_ op siin erue legghende en_ staende ouer die spaerne twischen jan bette_ en_ willaem meynsen jaerlix te bitalen totte bamisse En_ dat dese voersc_ Rente_ wesen zellen voer jans Rente_ van Rietwiic die hi op dat voersc_ erue heft / jn Oerconde desen brieue bizeghelt met onsen zeghelen jnt jaer ons he_n mccc zeue_ en_ viertich des zatersdaghes na sinte pouwels daghe in de_ winter