Corpus Van Reenen-Mulder (CRM14): Oorkonde E597r35301

Wj jacob van bakenesse En_ jsebrant van der scure Scepene in haerlem oerconden dat voer ons quam bertelmeus dullaert dircs zoe_ . En_ bewisede den ghemienen conuente van Egmonde tien scelli_ghe siaers op siin huus metten erue legghende en_ staende twischen jan jacob miius zoe_ en_ der porte erue die odzier machtelde zoe_ siin oude~vader dien voers_ conuente besproken hadde te memorien . En_ waert dat die vorsc_ conuente daer jet an onbrake dat zellen si v_halen an alle sine_ and_en goede dat hi heft waer jof waer an dattet gheleghen is / jn Oerconde desen brieue bizeghelt met onsen zeghelen jnt jaer ons he_n mccc drie en_ viiftich des dinxdaghes na sinte lucien daghe