Corpus Van Reenen-Mulder (CRM14): Oorkonde E597r36201

Wj dirc die blote En_ foytiaen banne_ zoe_ Scepene jn haerlem Oerconden dat voir ons quam gheertruud aelbrechts dochter met haren man en_ monbaer . En_ quite scout den abt van egmonde tot des godshuus behoef tot egmonde alzulc leengoet als willaem van den veen haer broeder te lene helt van den abt voirnoe_t want sire gheen recht toe en hadde jn Oerconde desen brieue bizeghelt met Onsen zeghelen jnt jaer ons he_n mccc twie en_ tsestich op sint jacobs auont