Corpus Van Reenen-Mulder (CRM14): Oorkonde E597r39801

Wij Jan wouter simons soens soen Jan vander lane baertout van assendelf Jans soen willem van saenden matheeus gheriit claes soens soen Ende claes meyn_ts soen scepene Jn h_lem Oirconden en_ kennen dattet ghewiist is met vo_nesse der scepene twisken den Abt en_ tgoetshuys van egmonde an die ene zide philps van cralinghe an die ander zide na hoirre beider dinctael als dat die abt en_ tgoeshuys van egmonde wesen sullen en_ bliuen an die tien pond siaers die baernt scouten soen bewiist heeft Jan baertout zinen stipsoen na In~hout hoirre brieue Ende so wes goet baernt scouten soen dair~en~bouen after~ghelaten heeft Dair sel philps van cralinghe an wesen en_ bliuen waer en_ waer an tgheleghen zi binnen der stede van h_lem of dair buten also philps brief van cralinghe ouder is dan die brief dair baernt scouten soen ziin goet mede op~ghedraghen heeft den hospitale tote egmonde In Oirconde desen brieue beseghelt met ons_ seghelen Int iaer ons he_n mccc achte en_ tneghentich svridaechs na sinte mathiis dach apostel