Corpus Van Reenen-Mulder (CRM14): Oorkonde E597r39802

Wj will_m van zaenden en_ claes meynaerts soen scepen_ Jn h_lem Oirconden dat die Recht_ van h_lem vercoft heeft vans rechts weghen he_n Jan Aelwiin als een memori~meester des convents van den cloester tote Egmonde tots convents behoef voirscr_ lambrecht Jans soens hofstede die gheleghen is Jn wout_s steghe van Rollant twisken griete van + der beke an die ene zide dirc den voeghel~coper an dander zide om viertich scell_ van Een Jaer renten onveriaert an paeyment als hi zeide dat des convents brief hout en_ om twie grote van Wincope En_ heeft ze hem tots convents behoef gheloeft te waren als Een recht_ vans rechts weghen sculdich Js te waren lossent hi se niet binnen viertien daghen behouden elken man ziins rechts Jn oirconde desen brieue bezeghelt mit onsen zeghelen Jnt Jaer ons he_n mccc achte en_ tneghentich op sinte gregorijs dach