Corpus Van Reenen-Mulder (CRM14): Oorkonde E659r36101

@ @ Alle den ghenen die desen brief zellen zien of horen lesen Doe wi verstaen peter kibbe scoute herman hoemke / ? (onleesbaar) zoen ? willam @ + taerd Scepene op + cortehoeuen in des heren gherechte van apcoude dat hi in pachte heeft van + den heren van sinte marien tutrecht Dat voer ons quam int gherechte tydeman minne / en_ gaf mit sinen vryen wille johanne van + den spieghel borgher tutrecht Enen vryen ? van der helft van eenre haluer @ hoeue lants den noorderen egghe daer of / also alse gheleghen is / op cortehoeuen in den gronde daer aelbrecht dyer / den zuder egghe of toebehoert @ van + der meer op aen des ketelaers lodic / ende van des ketelaers lodic op aen den wech daer de huse an staen beyt vrederic zasse @ daer aen de zuutside @ van + der zeluer haluer hoeue naest ghelant is louwekiin kelnaers neve de oude / en_ an de noortside johan boude van + der meer opstreckende an den ouden wech @ en_ voert de meente van cortehoeuen / van den ouden wech op / an den wech daer de huse staen ende verteech daer + of tot johans behoef van + den spieghel voorseyt en_ daer ? een vredeban op gheleghet alse recht en_ oerdel wiisde dat men ? was te ? en_ tydeman minne voerseyt ? mede johanne van den spieghel voerscreuen de helft van + der voerseyder haluer ? ? enten eyghendom daer of jaer en_ dach te waren ? @ allen Commer en_ voerplechte of + te doen / die voer dese tiid daer op ghegaen mach wezen Doe dat ghedaen was / doe gaf johan van den spieghel @ tenen eweliken erfpachte tydeman minnen voerseyt de helft van + der haluer hoeuen lants vorscreuen Elx jaers om twe pont penni_ghe vriis ghelts alsulx @ payments alse in + der tiid der betalinghe ghanghe en_ gaue zel wezen binnen vtrecht / te betalen alle jare en_ kommerloes te + leueren binne_ vtrecht / binnen @ viertien daghen na sinte peters daghe ad cathedram / en_ also voert jaerlix eweliken / en_ vmmer nyet te greuen Ende waer dat zake dat tydeman minne @ voerseyt of sine nacomelinghe de betalinghe des pachts tot enighen termine versumeden of dat si dit voerseyde erve groeuen / so vallen si van allen rechte @ dat si hadden / an + den voerseyden lande / en_ dat coemt dan vry en_ ledich / an johanne van + den spieghel voerseyt / of an sinen nacomelinghen horen vryen @ wille mede te doene / En_ alse dat erve an hem ghecomen ware / so zouden si daren~tends daer of doen ghelike dat ander buere daden van horen @ lande / En_ op~dat dit vast en_ stade bliue so heb ic peter kibbe scoute voerseyt desen brief bezeghelt mit minen zeghel voer mi en_ om bede wille @ der scepene vorghenoomt / En_ wi Scepene vorghenomde / oorconden dit en_ tughent onder des scouten zeghel vorscreuen want wi zelue ? @ zeghelle en hebben en_ hi oec desen brief ou_ ons beseghelt heeft / om onser bede wille ghegheuen jnt jaer ons h_en Dusent drie + hondert ? @ en_ tsestich des woensdaghes na korsdach