Corpus Van Reenen-Mulder (CRM14): Oorkonde E668r34201

Alle die desen brief sullen sien jof horen lesen Make ic cont / dirc van teylinghe Ridder / dat jan bogghe jeghens mi ghecoft heeft / dat land dat ic legghende hadde op ockenberghe / also groet en_ also cleene / als ict daer hadde met haren melijs van minne_ / en_ jan houe_ ghemiene / van den west~cante in / en_ hier of heeft mi jan voirseid betaelt den lesten penninc metten eersten / jn kennesse ter waerhede so hebbe ict / bezeghelt met mine_ zeghele / Ghegheue_ des sonnendaghes na sente martijns daghe jn + den wint_ / jnt jaer ons h_en dusent drie hondert twee ende viertich / / -