Corpus Van Reenen-Mulder (CRM14): Oorkonde E668r36001

Gherijt die bloot Scoute te Renswiic / doe Cont allen luden dat voer mi quam En_ voer die buere daer ic sat in ghebanne in dinghe / dirc van hodenpiil / jans Sone van hodenpiil . En_ gaf jan bogghen jans Sone tote behoef h_en aernds van duuenvoerde / Enen eyghendom dien hi hadde an Seuen marghen lants gheleghen tockenberghe die jan bogghe jans Sone van dirc van hodenpiil te lien helt . En_ dirc van hodenpiil die scaut daer quite al recht dat hi hadde an die zeuen marghen lants voerseit jn Orconde desen brief beseghelt met minen zeghel . jnt jaer Ons h_en dusent drie + hondert en_ tsestich Op Sinte jans dach te midsomer -