Corpus Van Reenen-Mulder (CRM14): Oorkonde E683r38801

@ @ Alle den ghenen die desen brief zellen zien of horen lesen doe jc verstaen dyedaert martiins zoen Scoute in camericken in + der h_en gherechte van zinte marien tutrecht / dat voer + mi quam en_ voer den asinc en_ voer de lantghenoten en_ buere de hiir na bescreuen @ staen jnt + gherechte voerseyt / johan van wiic bastaert van apcoude En_ thoende ons enen open brief gans en_ gaue en_ wel beseghelt mit @ seghel h_en willams h_e van apcouden en_ van duersteden also alst gheleec en_ ons dochte en_ wi de lett_en beste bekennen konsten gans @ en_ gaue zaghen en_ ouerhoerden lesen sprekende van woerde te woerde alse hiir na besc_ staet / (onleesbaar) @ + En_ doe wi desen voerseyden brief ghesien en_ wel verstaen hadden aldaer so begheerde jan van wijc voers_ eens oerdels . @ + of hi also ghemachticht ware . ouermids des voers_ briefs de hi ons ghetoent / hadde dat hi den vryen Eyghendom van + den @ vier morghen lands daer de voerseyde brief of spreect ou_gheuen mochte dien hi woude En_ hem wart ghewiist mit recht @ en_ mit oerdel dat hiit wel doen mochte En_ die ghifte mit rechte stadicheyt hebben soude Doe dat ghedaen was aldaer so @ gaf jan van wiic voers_ also alse hi ghemachticht / ware meliis van houweni_ghen tot behoef der Cureyten enter ghemeenre @ ghesellen die gherent ziin in + der kerken tot buerkerke tutrecht / den vryen Eyghendom van + den vier morghen lands daer @ de voerseyde brief of spreect / En_ verteech daer of en_ claerliken van alle rechts en_ toe~segghens dat die h_e van apcoude @ daer aen hadde tot behoef der gCureyten @ enter ghemenen ghesellen van buerkerke voers_ alse recht en_ oerdel wiisde dat @ hi sculdich was te doene . endet mitten rechte stadicheyt / hebben soude / hiir waren ouer en_ ane doe dit ghesciede johan aelberts @ zoen alse een asinc zegriin roelofs zoen vivyen dyrcs zoen . gheriit twalofhoeuen / johan twalofhoeuen / dyedolf heyne zalen zoen / @ + aernd willams zoen / alse lantghenoten en_ buere jn + den gherechte voersc_ en_ anders veel goeder lude . En_ op~dat dit vast en_ stade @ bliue en_ wi Scoute asinc lantghenoten en_ buere voers_ selue gheen seghelle en hebben op dese tiid So hebben wi ghebeden / @ + gheriit mathiis zoen / desen brief ouer ons te beseghellen / tenen orconde En_ ic gheriit mathiis zoen voerseyt hebbe om @ bede wille . des Scouten des asincs en_ der lantghenoten en_ buere voersc_ desen brief ouer hem beseghelt mit minen @ seghel tenen orconde ghegheuen jnt jaer ons h_en dusent drie + hondert acht en_ tachtich des sonnendaghes na zinte @ johans dach te middesomer